စီးပွားရေးလုပ်ငန်းများ၏ ရာဇ၀င် (၁)

စက်မှုလုပ်ငန်း အောင်မြင်မှုများ မတိုင်မှီ ရှေးကာလများတွင် အများစုသည် စားသုံးမှုအတွက် ထုတ်လုပ်သော တောင်သူလယ်သမားများ ဖြစ်ကြသည်။ သူတို့သည် အစားအသောက်၊အနေအထိုင်၊ အ၀တ်အထည်တို့ကို ကိုယ်တိုင် လုပ်ယူကြရသည်။ လက်ဝတ် ရတနာ နှင့် တန်ဆာ ကဲ့သို့သော ပစ္စည်းတချို့ကိုသာ ၀ယ်ယူအသုံးပြုသည်။ ကိုယ်ပိုင် ဖူလုံရေး  ကြီးစိုးသော ကာလဖြစ်သည်။ ရာစုနှစ် (၅၀၀-၁၅၀၀) ခန့်များတွင်  ကိုယ်ပိုင်ဖူလုံမှု အတွက် ၉၀ % သည် ကိုယ်ပိုင် သုံးစွဲမှုအဖြစ်ရှိပြီး ကျန်ရှိသော ၁၀ % သာလျှင် ဈေးကွက်မှ လာသည်။ အတိအကျဆိုရလျှင် ဈေးကွက် ဆိုသည်မှာ စတုရန်းပေ အနည်းငယ် အကျယ်အ၀န်းရှိသော မြို့တွင်းများမှ ဈေးကို ဆိုလိုခြင်းဖြစ်သည်။ ဒါမှမဟုတ် မြင်းတကောင်ဖြင့် နယ်တကာလှည့် ဈေးရောင်း သည့် သူများလည်း ဖြစ်နိုင်သည်။ သို့ ဖြင့် ဈေးသည် အလွန်မကြီးပေ၊ ဈေးကွက်၏ လည်ပတ်သော ငွေကြေး ပမာဏသည်လည်း အနည်းငယ်သာရှိသည်။ တနည်းအားဖြင့် တစ်ဦးရပ်တည်ရေး စီးပွားရေး ပုံစံဖြစ်သည်။ အလယ်ရာစုနှစ် ၏ ပဒေသရာဇ် လူ့အဖွဲ့အစည်း ပုံစံကြောင့်ဖြစ်သည်။ ဧကရာဇ် ဘုရင်သည် သူ၏ စစ်သည်တော်များကို လစာဖြင့် ချီးမြောက်ဆက်သနိုင်ခြင်း မရှိပေ။ ထို့ကြောင့် ကိုယ်ပိုင်ဖူလုံးရေး စီးပွားရေးကို အုပ်စိုးရသော မြို့သူကြီးများ နှင့် အပေးအယူပြုရသည်။ ဤသို့ဖြင့် ကျွန်စနစ် ဖြစ်လာသည်။ ဘုရင်သည် မြို့သူကြီးများကို အကာအကွယ် နှင့် အာဏာကိုပေးသည်။ မြို့သူကြီးများသည် စစ်မက်ဖြစ်ပွားရာတွင် ဘုရင်ကို ထောက်ပံ့ပေးသည်။ ထိုခေတ် စီးပွားရေးစနစ်၏ အုတ်မြစ်အခြေခံသည် တောင်သူလယ်သမားများ၏ စိုက်ပျိုးမွေးမြူရေး ပင်ဖြစ်သည်။ ဤသို့ဖြင့် အလယ်ရာစုနှစ်ခေတ်သည် စီးပွားရေး အရှိန်အဟုန် လွှမ်းမိုးနိုင်သော ခေတ်တခေတ် မဖြစ်ခဲ့ပေ။

သို့သော်လည်း နောက်ပိုင်းတွင် တဖြေးဖြေး ဈေးကွက်များသည် အရေးပါလာပြီး စီးပွားရေး တိုးတက်မှုအတွက် မရှိမဖြစ် ဖြစ်လာသည်။ ဈေးကွက်များ ပေါ်ပေါက်ထွန်းကားရေးသည် ငွေကြေး စီးပွားရေးနှင့် မြို့ ပြ ဖြန့်ဝေ ပေါ်ပေါက်ရေးနှင့် အပြန်အလှန်ဆက်စပ်နေသည်။  မြို့ ပြကြီးများသည် ပြည်သူ့အုပ်ချုပ်ရေး နှင့် စီးပွားရေး လုပ်ငန်းများ၏ ထုတ်လုပ်ရေး တို့ဖြင့် အခြေခံထားသည်။ ထိုခေတ်၏ အလုပ်ရုံများ၏ အရေးကြီးဆုံးသည် Guilds များဖြစ်ကြသည်။ သူတို့သည် လက်မှုပညာသည် အဖွဲ့အစည်း၊ ကုန်သည် အဖွဲ့အစည်း အဖြစ် ကုန်ပစ္စည်း ထုတ်လုပ်မှု နှင့် ရောင်းချမှု များကိုပြုလုပ်ကြသည်။ ထိုပစ္စည်းများတွင် ပုံစံ အမျိုးမျိုးသော လက်မှုပစ္စည်းများ နှင့် ထိုခေတ် ဇိမ်ခံပစ္စည်းများ ဖြစ်နိုင်သည်။ Guilds များသည် လွတ်လပ်သော အဖွဲ့အစည်းအဖြစ် လုပ်ဆောင်နိုင်သကဲ့သို့  ဥပဒေရေးရာ ပုဂ္ဂိုလ် အဖြစ်ပါ လုပ်ဆောင်နိုင်ခဲ့သည်။ သူတို့၏ အခြေခံအုပ်မြစ်များသည် ယနေ့တိုင် ခေတ်သစ် စတော့ရှယ်ယာလုပ်ငန်းများတွင် ဥပဒေရေးရာ ပုဂ္ဂိုလ်များအဖြစ် အသုံးပြုနေဆဲဖြစ်သည်။

Guilds များ၏ စည်းမျဉ်း စည်းကမ်းများသည် အီတလီ မြောက်ပိုင်း ဒေသများတွင် ကျန်ရစ်ခဲ့သည်။ ထိုမှတဆင့် အနောက် ဥရောပ ဒေသ တော်တော်များများသို့ ပြန့်နှံပြီး ကျယ်ကျယ်ပြန့် ကျင့်သုံးလာခဲ့သည်။ Firenze ရှိ အထည်လုပ်ငန်းများတွင် အထူးပြု အသုံးပြုသလို  Milan တွင်လည်း သံမဏိ နှင့် လက်နက် လုပ်ငန်းများတွင် အသုံးပြုသည်။ ခရစ်နှစ် ၁၀၀၀ ခန့်မှ စ၍ ဥရောပ ရှိမြို့ ပြများသည် တိုးချဲ့လာကြသည်။ ခရစ်နှစ် ၁၃၀၀ ခန့်မှစ၍ အီတလီမြောက်ပိုင်း ဒေသများတွင် မြို့ ပြများ တိုးမြှင့်လာပြီး ဈေးများလည်း တိုးတက်လာကြသည်။ Firenze, Genova, Milano and Venezia မြို့များ တွင် လူဦးရေ ၁ သိန်း ခန့် ရှိလာကြသည်။ ထိုမှ စပြီး ပထမဆုံး Compagnia, စကားလုံး Company ဆင်းသက်လာခဲ့သည်။ ခေတ်သစ် ဘဏ်လုပ်ငန်းများသည် ထိုမြို့ များ မှ အစပြုထွန်းကားလာခဲ့သည်။ Account- Agio, Bank- Banco အစရှိသော လုပ်ငန်းနှင့် ပတ်သတ်သော စကားလုံး အများစုသည် အီတလီ စကားအများစုမှ ဆင်းသက်လာသည်။

စီပွားရေးလုပ်ငန်းများ နှင့် ဈေးကွက်များ ပျံ့နှံ့ ကျယ်ပြန့်လာမှု နှင့်အတူ ပထမဦးစွာ Firenze တွင် အနုပညာစာပေတွင် စိတ်ဝင်စားမှုပြန်လန် ဆန်းသစ်လာသည့် ( Renaissance) ယဉ်ကျေးမှုတခု နောက်တကျော့ပြန် ထွန်းကားလာသည်။ တဖန်ပြန်လည်မွေးဖွားခြင်း ဟုအဓိပ္ပါယ်ဆောင်သော အလယ်ပိုင်း ကာလ အမှောင်ကျချိန်ကို မေ့ထားခဲ့ပြီး ဘာသာရေး အယူဝါဒကြီး အောက်မှ ရုန်းထွက်လွတ်မြောက်လာသည့် ရှေးကာလမှ အတွေးအခေါ်၊ စိတ်ကုများ နှင့် အနုပညာများ တဖန်ထွန်းကားလာသည်။ အနုပညာ၊ ဒဿန အားဖြင့် သဘာဝတရားကို နားလည်ခြင်း၊ သိပ္ပံပညာ၊ ဆန်းသစ်တီထွင်မှု နှင့် Humanism များ ရှေ့ဆက် ပျိုးထောင်လာသည်။ Leonardo Da Vinci (1452-1519) ကို ပထမဆုံး တဖန်ပြန်လည်မွေးဖွားလာသော လူသားအဖြစ် သတ်မှတ်ကြသည်။ သူသည် သိပ္ပံ အနုပညာကို စေ့စပ်နှံ့စပ်သည့် စကြ၀ဋာ ပါရမီရှင် တယောက်ဖြစ်သည်။Michelangelo(1475-1564) သည် နောက်ထပ် အရေးကြီးသော ပါရမီရှင်တယောက်ဖြစ်သည်။ သူသည် ကမ္ဘာ့ အရေးကြီးဆုံး အနုပညာအများစု၏ နောက်တွင် ရပ်တည်နေသည်။ Nic Machiavelli( 1469-1527)
၏ ဘာသာရေးကို အခြေမခံဘဲ ရေးသားထားသည့် နိုင်ငံတော် သီအိုရီ၊ နိုင်ငံရေးဗျူဟာများ နှင့် သံတမန်ခင်းရေးရာတို့သည် မှတ်သားစရာဖြစ်သည်။

ထိုကဲ့သို့ အီတလီမြောက်ပိုင်း ဦးဆောင်နိုင်မှုတွင် အဓိက နှစ်ချက်ပါဝင်ခဲ့သည်။ ပထမ အချက်သည် Rome ရှိ ပုပ်ရဟန်းမင်းကြီး ဆီသို့ များစွာသော ငွေကြေးပမာဏ ပို့ဆောင်မှုဖြစ်သည်။ ဥရောပ တခွင်မှ ပြည်သူပြည်သားများနှင့် ခရစ်ယာန်ဘုရားကျောင်းများသည် ပုပ်ရဟန်းမင်းကြီးဆီသို့ ငွေးကြေး ပို့ဆောင်ကြသည်။ ထိုငွေသားများကို ပုပ်ရဟန်းကြီးသည် အီတလီမြောက်ပိုင်းဒေသ အများစုတွင် အသုံးပြုခဲ့သည်။ ဒုတိယအချက်အနေဖြင့် ပထ၀ီအနေအထားပင် ဖြစ်သည်။ ထိုအီတလီမြောက်ပိုင်းဒေသများသည် အလယ်ပိုင်းနှင့် အာရှဒေသများ တို့နှင့် ကုန်သွယ်စီးဆင်းမှုတွင် အရေးပါဆုံးမြို့များဖြစ်သည်။ အထူးသဖြင့် Venezia သည် အချက်အချာ အကျဆုံးဖြစ်သည်။ ဤသို့ဖြင့် အီတလီမြောက်ပိုင်းဒေသများသည်  ထိုကုန်သွယ်စီးဆင်းမှု၏ အဓိက အချက်အချာအဖြစ် ဆောင်ရွက်နိုင်ခဲ့သည်။

ခရစ်နှစ် ၁၅၀၀ ၀န်းကျင်ခန့်မှ စ၍ အီတလီမြောက်ပိုင်း ဒေသများ၏ အခန်းကဏ္ဍများသည် မှေးမှိန်လာခဲ့သည်။ တိုးတက်မှုနှုန်း၏ အရေးကြီးအချက်အချာသည် ဥရောပ အနောက်မြောက်ဒေသများသို့ ရွှေ့လျားသွားခဲ့သည်။ အဓိက အကြောင်းအရင်းတခုသည် ပုပ်ရဟန်းမင်းကြီး၏ အခန်းကဏ္ဍ မှေးမှိန်စေသော ပြုပြင်ပြောင်းလဲမှုဖြစ်သည်။ ဤသို့ဖြင့် အီတလီ နှင့် ရောမ သို့ စီးဝင်နေသာ ဘဏ္ဍာရေး စီးကြောင်းသည် ပါးသထက် ပါးလာသည်။ နောက်ထပ် အရေးကြီးဆုံး တချက်မှာ အာရှ နှင့် အမေရိကတိုက်သို့ ရေခရီးလမ်းကြောင်း ရှာဖွေတွေ့ရှိမှုပင်ဖြစ်သည်။ ထိုသို့ဖြင့် ဥရောပတိုက်၏ အတ္တလန္တိတ် သမုဒ္ဒရာကမ်းရိုးတန်းရှိ နိုင်ငံများ နှင့် မြို့များသည် အီတလီ မြောက်ပိုင်းဒေသများ၏ အခန်းကဏ္ဍကို တဖြေးဖြေး အစားထိုး ၀င်ရောက်လာကြသည်။ အမေရိကတိုက် အား ရှာဖွေတွေ့ရှိမှုသည် စပိန်တို့အား ဥရောပတိုက်တွင် အင်အား အတောင့်တင်းဆုံးနိုင်ငံ အဖြစ်သို့ ခရစ်နှစ် ၁၅၀၀ ၀န်းကျင်ခန့်တွင် ရောက်ရှိစေခဲ့သည်။ ရွှေ နှင့် ငွေ တင်သွင်းမှုသည် စပိန်တို့အား ဘဏဏ္ဍာရေး တောင့်တင်းစေသည်။ သို့သော်လည်း ထိုအရာသည် မြင့်မားသော ငွေကြေးဖောင်းပွမှုကို ဖြစ်စေသည်။ ဒါ့အပြင်  ဥစ္စာဓန ၀င်ရောက်ခွင့်တို့သည် စပိန် အထက်တန်းစား လူမျိုးများ နှင့် အလုပ်သမား လူမျိုးတန်းကြား ကွာဟမှုကြီးစေပြီး ဖိနှိပ်ချုပ်ချယ်မှုများ များပြားလာခဲ့သည်။ ထိုအကြောင်းအရာများသည် စပိန်၏ အခန်းကဏ္ဍကို ကျဆုံးစေခဲ့သည်။ ထို့နောက် ဥရောပ၏ တိုးတက်မှုနှုန်း အချက်အချာသည် မြောက်ပိုင်းသို့ ရွှေ့ပြောင်းခဲ့သည်။

ခရစ်နှစ် ၁၆၀၀ ခန့်တွင် စက်ဆုပ်ဖွယ်ကောင်းသော ဘာသာရေးစစ်ပွဲများ၊ အထူးသဖြင့် နှစ်သုံးဆယ်စစ် (၁၆၁၈-၁၆၄၈) ဖြင့် လွှမ်းမိုးနေခဲ့သည်။ အခြေခံအားဖြင့် ကတ်သလစ် နှင့် ပရိုတတ် တို့ကြား စစ်ပွဲတခုဖြစ်သည်။ သို့သော်လည်း အဓိကအားဖြင့်  နှစ်သုံးဆယ်ကြာ ကြောက်မက်ဖွယ် ခံစားရသော ဂျာမန်ဒေသများ၏ ဒေသ လွှမ်းမိုးမှု စစ်ပွဲများဖြစ်သည်။ ခရစ်နှစ် ၁၆၄၈  Westfalen မှ  ငြိမ်းချမ်းရေး လက်မှတ်ထိုးပွဲတွင် အချုပ်အခြာအာဏာပိုင် လူမျိုးစု ပြည်နယ်များ ထူးထောင်ရေး နိယာမ များ ရရှိခဲ့သည်။ ထို့နောက် ပြင်သစ်သည်  ဥရောပ ၏ အာဏာအရှိဆုံး တိုင်းပြည်အဖြစ် နေရာယူလာခဲ့သည်။ နိုင်ငံ၏ အာဏာသည် တစ်ဦးစံ ဘုရင်မှ တဆင့် ခေတ်မီသော ပြည်နယ် ယန္တရားတခု တည်ဆောက်ခြင်းနှင့် ဆက်စပ်နေသည်။ အထူးသဖြင့် “တိုင်းပြည်သည် ငါဖြစ်သည်” ဟုဆိုသော ကြေငြာချက်ဖြင့် တစ်ဦးဆံ ဘုရင်စနစ်တွင် Ludvig 14 သည် ထင်ရှားလာခဲ့သည်။ ဤနေရာတွင် ခရစ်နှစ် ၁၄၅၃ ခုနှစ် မှ  Gutenberg ၏ ပုံနှိပ် အနုပညာ အဓိပ္ပါယ်ကို အောက်မေ့ရကျိုးနပ်လာသည်။ စာပေကျမ်းများကို အကျိုးရှိစွာ ပြန်လည်ထုတ်ဝေ နိုင်ခြင်းကြောင့် ပင်ဖြစ်သည်။  ဤသို့ဖြင့် အနုပညာစာပေ ထုတ်လုပ်မှုနှင့် ဖြန့်ဝေ ရေးတွင် များစွာအဓိပ္ပါယ်ရှိခဲ့သည်။ အထူးသဖြင့် နိုင်ငံယန္တရား တိုးတက်ရေးတွင်လည်း များစွာ ထိရောက်ခဲ့သည်။ ထိုသို့ဖြင့် ဘုရင်အာဏာဖြင့် ငွေကြေး စီးပွားရေးကို နေရာအနှံ့ ကျယ်ပြန့်စွာ ထိန်းချုပ်နိုင်ခဲ့သည်။ ထိုမှတဆင့် ကိုယ်ပိုင်ဖူလုံရေးမှသည် ငွေကြေးစီးပွားရေးဖြင့် ကြေးစား စစ်သည်များ လည်ပတ်စေခဲ့သည်။ ဤသို့ဖြင့် ပဒေသရာဇ် ကျွန်စနစ်ကို လျော့ချခဲ့သည်။

ထိုကာလ၏ စီးပွားရေးပြယုဒ် သည် ကုန်သွယ်မှု(Mercantilism) ဖြစ်သည်။ လူမျိုးစု ပြည်နယ်များ ပေါ်ပေါက်ရေး၊ သက်ဦးဆံပိုင် ဘုရင် စနစ် နှင့် ကုန်သွယ်ရေး မြှင့်တင်းခြင်းမှ တဆင့် အင်းအားတောင့်တင်သော ပြည်နယ်များ ဖြစ်ပေါ်ရေးတို့ဖြင့် သွင်ပြင်လက္ခဏာများ ပေါ်ပေါက်ခဲ့သည်။ ထို စီးပွားရေးမူဝါဒသည် ဘုရင်၏ အာဏာအတွက် ၀င်ငွေများ သေချာခြင်း အားဖြင့် လှုံ့ဆော်ခဲ့သည်။ ဘုရင် ကိုယ်တိုင် စီးပွားရေး အစီအစဉ် စတင်မှုများ ပါဝင်သည့် တက်ကြွသော စီးပွားရေးမူ ၀ါဒကို ပထမဦးစွာ တွေ့မြင်ရသည်။ ဒါ့အပြင် စီးပွားရေး လုပ်ငန်းများ လုပ်ကိုင်လိုသူများ အားလုံးသည် ဘုရင်ထံမှ ခွင့်ပြုချက် ရယူရသည်။ ဤသို့ဖြင့် အခွန်ဝင်ငွေဖြင့် ချိတ်ဆက်၍ ဘုရင်၏ ၀င်ငွေကို ခိုင်မာ သေချာစေသည်။ ဒါ့အပြင် ထိုကုန်သည်များ ကို ပြိုင်ဖက်များ မှ ကာကွယ်ပေးသည်။ ထိုစီးပွားကို စနစ်ကို (Planned Economy) ဟု ခေတ်စကားဖြင့် ခေါ်ဆိုနိုင်သည်။ ဥစ္စာဓနကို ရွေ အလေးချိန်နဲ့ တိုင်းတာရသည်ကို နားလည်လာကြသည်။ လူတယောက်က ကုန်သွယ်မှု အပေါ်တွင် အမြတ်ရလျှင် ကျန်တယောက်သည် အရှုံးပြရသည်။ ထိုစီးပွားရေးဝါဒ ၏ အများစုသည် သွင်းကုန်ကို ကန့်သတ်၍ ထုတ်ကုန် ကို အားပေးသော စနစ်ဖြစ်သည်။ သိသာထင်ရှားသော ကုန်သွယ်ရေးနှင့် ကုန်သွယ်ရေးအမြတ်မျာမှ စီးပွားရေးတောင့်တင်းလာသော နိုင်ငံများလည်း ရှိခဲ့သည်။